“Brukseli dëshiron të negociojë me Shqipërinë për pranimin në BE. Hollanda nuk mund të minojë shpresat tona“. Ka qenë kjo deklarata e kryeministrit Edi Rama bërë për mediat holandeze.
Sipas NRC, Brukseli dëshiron të fillojë negociatat me Shqipërinë për pranimin në BE, por janë krerët evropianë ata që do të votojnë.
“Integrimi evropian është vendimtar për ta bërë Shqipërinë me një demokraci, me shërbyesit civilë që u shërbejnë njerëzve dhe jo e kundërta“, ka thënë Rama.
Sipas medias holandeze artisti-politikan ekstravagant (Edi Rama) gjithashtu e kupton se ka ende një rrugë të gjatë për të bërë.
Shqipëria duhet së pari të ndalojë korrupsionin, sipas qeverisë së Rutte. “Vetëm atëherë do të flasim për më tej”, ka thënë kryeministri i Holandës, Mark Rutte.
“Në të njëjtën kohë, Holanda gjithashtu thotë se e ardhmja jonë është në BE. Me fjalë të tjera: përfundimisht do të martohemi. Ne duhet të paktën të bisedojmë me njëri-tjetrin. Ne vetëm trokasim në derën e BE, ne nuk po vijmë akoma “, ka thënë shefi i qeverisë shqiptare.
I pyetur për korrupsionin e lartë në Shqipëri sipas raporteve ndërkombëtare, në bazë të të cilave dhe Holanda do të votojë pro apo kundër hapjes së negociatave, Rama ka thënë:
“Holanda nuk mund ta minojë shpresën tonë. Dhe nëse Shqipëria ndonjëherë do të bashkohet me BE-në unë dhe Rutte nuk do të jemi më kryeministra”
*** Pjesë nga intervista***
Si funksionon lufta kundër korrupsionit?
Edi Rama: Në sistemin ligjor, 21 pesha të rënda, gjyqtarë të mirënjohur dhe prokurorë publikë u hodhën jashtë në një kohë të shkurtër, sepse nuk kishin shpjegime bindëse për pasurinë e tyre të madhe. E njëjta provë po pret edhe policët. Ne kemi dhënë vëzhgues ndërkombëtarë, duke përfshirë një ekspert holandez, një mandat kushtetues për të vepruar në këtë operacion. Ne e kemi marrë atë seriozisht.
Shqipëria e madhe (Ju vetë keni hedhur benzinë në zjarr duke spekuluar në një bashkim të madh të shqiptarëve?).
Edi Rama: Kjo sigurisht nuk është ajo që dua. Në intervista unë paralajmërova jo vetëm për këto lloj skenarësh. Nëse rruga jonë për në BE pritet, gjëra të çuditshme mund të ndodhin. Alternativat janë të rrezikshme.
Ju thatë se “alternativat janë të rrezikshme”. A ka një plan B? Kthimi i familjes mbretërore shqiptare?
Edi Rama: Princi i kurorës Leka II, i dinastisë Zog tolerohet në pallatin e mëparshëm në Tiranë. Një rikthim nga zogjtë? Mund t’ju them se është ndryshe në një shtëpi mbretërore në Ballkan se sa tek ju. Princat tanë i duan pushkët më shumë se tulipanët.
